कहिले कविता

कहिले कविता, त्यो कफी कप को
आधा आधि बाट सुरु हुन्छ
र कहिले,
कोठामा यसै फालिएका
फगत कागज का   टुक्राहरुबाट
कहिले कविता त्यो बस को
झ्याल तिरको सिट बाट सुरु हुन्छ
र कहिले
हिड्दा हिड्दै सडक का
सस्त कथा हरुबाट
कहिले कविता मनपर्ने मान्छे लाइ
भन्न नसकिएका शब्द हरु बाट सुरु हुन्छ
र कहिले ,
छाडेर जानेका
यादका अवशेष हरु बाट
कहिले कविता भर्खरै जन्मेका
बारीका फूल हरु बाट सुरु हुन्छ
र कहिले
श्री कृष्ण रहेछ एक भन्दै
मृत्यु शैया बाट
कैले कविता भोको
पेट बाट सुरु हुन्छ
र कहिले
टिलपिल भरिएका
आँखाहरु बाट

listen it here ;)
https://youtu.be/EKuKbPnIfq4