एक रात
बस एक रात ,
एक रातको त कुरा हो
भन्दा भन्दै रातौ रात
उ एउतै बिस्तारमा
नयाँ नयाँ अनुहार संग सुतेकी थिई
उसले आफ्नो शरीर संगै
निद्रा र केहि थान सपना बेचेकी थिई
अपरिचित रात हरुलाई
उत्तेजित हात हरुलाई
अझै पनि उ अलमल्ल छे
उसले पहिलो पटक छोपेको
अन्जान पुरुष को त्यो हात दरो थ्यो
वा
अश्लिल वाध्यता हरु स्वीकार्ने उसको आफ्नै मन
लगन साहित् जुराएर
चिना भाग्य मिलाएर
पन्चे बाजा बजाएर
गरगहनाले सजाएर
भित्रिएकी श्रीमती बाट जब
पुरुषको काम तृष्णा मेतिदैनन
तब उ पनि भौतारिदै पुग्छ
सरिता थिम
अब मलाई भन्नुस
सन्तुस्टिको लागि दौडिरहेको
समाजले सरितालाई मैलाउछ
या
आफ्ना आवस्येकताका लागि लडिरहेकी सरिता ले समाजलाइ मैलाउछे
द्वन्द का लाखौँ गोलीहरु मध्ये
एउटा गोलि ले
सरिताको श्रीमान को शिर रोज्यो
अब गोलीलाई के थाहा ?
बाउ बिना दुइ छोरी हुर्काउन
सन्घर्षका कुन पराकास्टा नाग्नुपर्छ भन्ने
सरिताका पति द्वन्द मा क्रान्ति गर्दा गर्दै मरे
र
यता उ काठमानडौ को महंगी मा मर्दा मर्दै क्रान्ति गरिरहेकी छे
आफ्नै शरीर संगको क्रान्ति
उसलाई त केवल आफ्ना छोरीहरुका खुशी किन्न सके पुग्छ
उ नोठ का हिसाब राख्दिने
उ रोकीदैने जबसम्म शरीर मा घाउ लाग्ने ठाउँ बाकि रहनछन्
उ चोट का हिसाब राख्दिने
जेठी छोरी लाइ पहिलो पटक
कपडा सिलाउन सिकौदा भनेकिथिऎ
छोरी सेतो रंगको कपडामा सेती धागो
कालो रंग को कपडामा कालै धागो
तर उ आफैले आफैलाई बारम्बार सोध्थी
मन उध्रिदा कुन रंगको धागो रोज्ने
हरेक बिहान उ शिथिल हुन्छे थकैले अनि डिइस्चार्रज हुन्छ
पुरै शक्ति
रातभर चालिएको मोबाइल झैँ
मोबाइल संग त चार्जेर छ
उ संग छैन
उसको जीवन ठ्याक्कै उसको कपाल झैँ
छन्
असरल्ल
आफ्नी कान्छी छोरीले
जसरि ड्रइंग बुक का
साधा आकारहरु मा रंग भर्दछे
के सरिताले पनि तेसरी नै
जीवनका उजाडियेका सपनाहरुमा
रंग फेरी भर्न सक्ली?
देश का तमाम रेड लाईट एरिया
मा
सरिता हरु प्रशस्तै भेटिनेछन्
र त्यहाँका ढोका हरुले
सधैँ येउटै कुरा सुन्छन
ढकढक
सरिता छिट्टो तयार भै
0 comments:
Post a Comment